السقف البالي
هادا واحد الراجل كاري، وكان السقف ديال الخشب بالي وكيدير الصداع بزاف
ملي جا مول الدار يتخلص الكرا، قال ليه الكاري: خويا صاوب لينا هادا السقف، راه كيخلعنا
قال ليه مول الدار: ما تخافش، راه غير كيسبح الله
قال ليه الكاري: راني خفت يجيه الخشوع ويسجد
------------------------------------------------------------
كيبغي مرتو
واحد المرا قالت لراجلها: شوف الحاج جارنا من كتر ما كيبغي مرتو، ملي ماتت بنى جامع بسميتها.
قال ليها راجلها: والله حتى أنا راني شاري الأرض من شحال هادي، خاصك غير نتي طلقينا لبني
-----------------------------------------------------------------
ساهلة ماهلة
سولوا واحد: كيفاش كنقولو ساهلة ماهلة بالفرنسية؟
قال ليهم: facile macile
----------------------------------------------------------------
تعرف تعوم؟
واحد الراجل سول صاحبو: تعرف تعوم؟
قال ليه صاحبو: لا، ما كنعرفش.
قال ليه لاخور: هي الكلب حسن منك حيت كيعرف يعوم.
قال ليه صاحبو: ونتا كتعرف تعوم؟
قال ليه لاخور: اه كنعرف
قال ليه صاحبو: هي بحالك بحال الكلب.
--------------------------------------------------------------
شحال كتلبس؟
واحد المكلخ مشى يشري صباط.
سولو مول المحل: شحال كتلبس ف رجليك؟
قال ليه المكلخ: جوج فردات.
-------------------------------------------------------------
المكلخ والشتا
واحد المكلخ كان سهران ف دار صاحبو، وملي بغى يمشي لدارهم، لقى الشتا كتصب.
قال ليه صاحبو : غير بات عندي اليوم، الدنيا هانية. ومشى للكوزينة يوجد أتاي
ملي رجع، لقى المكلخ كله فازݣ، وهو يسولو: منين جاك هاد الما؟
قال ليه المكلخ : غير مشيت لدارنا جبت بيجامة ورجعت
--------------------------------------------------------------
الصمك والطيابة
السلام عليكم
واحد السيد صمك كان جالس حدا واحد الطيابة.
خلاها حتا ناضت باش تسخر، وهو يسرق ليها دجاجة، ودارها في قبو...
ملي رجعت الطيابة، قالت ليه : السلام عليكم
و هو يقول ليها : إينا دجاجة لهلا يطيح علينا شي باطل
-------------------------------------------------------------
لاتنسوا الردود و ادعموني لأقدم لكم المزيد فهده أول مشاركة لي في المنتدى
تحياتي
الرئيسية 
مرحبا بك 
التسجيل 
دخول 
موضوع: نكت مغربية جديدة 2013 --------------------الضحك حتى البكاء 
الجمعة يوليو 27, 2012 2:21 pm
